萬事在天
詩集：天韻03-為主我要吟詩（閩），5；天韻03-為主我要吟詩（閩）；荒漠甘泉樂侶
語言：閩南語
俗語有講「天飼人」，無論好人與壞人，
雨水照時自天降，潤澤田園肥且鬆，
五穀豐收好年冬，可得利益攏相同，
五穀豐收好年冬，可得利益攏相同。
俗語另外有一講，「鼻腔俯落無好人」，
舖路造橋真多項，行善修身無採工，
若要來世有盼望，當靠天父大愛疼，
若要來世有盼望，當靠天父大愛疼。
「今日吃米不知明日事」這句俗語人人知，
命運生涯天註定，自己努力無法成，
天父掌管咱將來，信祂、靠祂，
信祂、靠祂，無掛礙，
信祂、靠祂，無掛礙。