若是有你佇我的生命

若是有你佇我的生命，我就永遠不驚惶， 風雨那呢大，曠野這呢闊，有你同在無搖泏。 若是有你佇我的生命，我就永遠不孤單， 有你相作伴，與你逗陣行，充滿溫暖不畏寒。 海水會乾石頭會爛，你的愛疼無變換， 甘願為我受盡拖磨，將我當作你心肝， 海水會乾石頭會爛，你的愛疼無變換， 恩情這大怎樣感謝，一生與主連相倚。